:::قلمي ينزف :::

بسم الله الرحمن الرحيم

أسعد الله جميع أوقآتكم بكل خير

قصيدة عجبتنى فى احد منتديات



ترى النور بين أيديكم ..وهي عبآره عن حوار بيني وبين قلمي ..

تحمل الكثير من مشآعري .. ولا ضير أن أقول أنهآ تعبر عني بمنتهى الشفآفيه ..




في ليله صمآء ..

مسكت القلم كعاادتي لأكتب به مآيجول في خآطري

فبكى قلمي قبل أنت تبكي عيوني ..

مآذاا حدث ؟؟

أترككم مع الأحداث في النص أدنااه

1 عفسني هالقلم ..يرفض هدوئـي وأرفـض جنونـه
يصيح / أن اطلقي قيدي (وكانت سنحتـه ثايـر)!
2 مسكته بإصبع(ن) ترجف ..حشيـت الحبـر بمتونـه
وخطّيته علـى صفحـه بيـاض(ن) لونهـآ جاهـر
3 تناثـر بالـورق نزفـه ..غـدت بالـدم مدهونـه
وأنا مشدوهه..مصدومه.. أصيح / شفيك يآسآتـر؟!
4 وراه مأشـرك أحمـر؟! وينـزف حبـرك شجونـه!
أخبره أزرق(ن) لونك!! عسى مآشر ؟ وش صآير ؟!
5 أيآ قلمي .. عجيب أمرك!!تخبي أسـرار مكنونـه؟!
وش اللي خبّص ألوانك بلـون(ن) أحمـر(ن) فآتـر
6 تـأوه بيـن أحضـآن الأصآبـع (آآآه مغبـونـه)
وقآل استقبلي "وارد رسآله" قلـت / أنـا ناطـر !!
7 تحـرك بيـن دفآتـي .. لمحـت الخـوف بجفونـه!
تلملم يجمع أفكاره بوجـه(ن) خاطـف صآفـر !!
8 كتب لي / قوتي خآرت ..غدى عظمي بـه ليونـه !
زمانك مآينآسبنـي!! نجومـك مـآ لهـآ مسآمـر!!
9 تغيرتـي !.. تبدلتـي!.. غديتـي حيـل مدفونـه !
فكر شآرد ..ألم تآيه..وجرح(ن) مستـوي خآثـر!!
10 عيونك (بآقـه ذبلانه)..جرحهـآ الشـوك بغصونـه
وقلبك منرصع طيبـه وخصـرك نآحل(ن)ظامـر!!
11 غدى سمسآرك الضيقه.. يشيّـد بالحشـآ حصونـه
تري سلبيتك تذبح .. وسيف الذل بـك شآهـر !!
12 رميته فوق صفحآتـي .. ووجهـي مختلـف لونـه
ودرات حولي الدنيآ .. ودمي مـن القهـر فآيـر!!
13 دحجته بقآسي نظراتـي ..تلآقـت عينـي بعيونـه
وقلت بلهجـه الأمـر: ترقـب منـي الصـآدر !!
14 إذا إنـك تعآيرنـي .. لأنـي بطيبـي مرهـونـه!!
هلا باللي يعآيرنـي !! تـرى تمدحنـي يآشآطـر !!
15 لأن الطيـب متغـرب ..تـوراى بّـوه بطعـونـه
وخلّف شرذمه تعوي ..جميلـك عندهـم بآيـر !!
16 وإذا إنـك تعآيرنـي .. لأنـي بحـزنـي مقـرونـه
فلعبه هالقدر تقضـي علـي أكـون أنـا الخآسـر
17 تلآقينـا أنـا والحـزن فـي زنـزانـه مسجـونـه
فتحت القلب أشكي له ..حضني بحضنـه الغـادر!!
18 تمازجنا أنـا وأيـآه .. وأكسـب عطـري عفونـه
تفشى في مسآفآتي .. صحيـح إن الحـزن كافـر!!
19 دفـن كـل البـراءه داخلـي وأفـتّـر مخـزونـه
وحولني مجسم رآبض(ن) ينطـر رجـآء مسآفـر!!
20 تعب في دنيته يرجي (مـن الأخـر) حـد يصونـه
تعب يبكي وهو مسلوخ ...ينآدي هل مـن نآحـر؟!
21 يجـي لمـي يبعثرنـي .. بلـذه جـور مسكـونـه
يغير كل مفآهيمي .. طقوس الحـزن كالسآحـر ؟!
22 تريث يآلقلـم .. حكمـك عليّـه يغلـب ظنونـه
لأنك أصدق أشيآئـي .. لأنـك نزفـي الطاهـر !!
23 أبيك تكون عون(ن) لي ..أبيـك لكسوتـي بطونـه
أبيك مترجم إحسآسي وتهـدي مسلـك الحآيـر !!
24 ترآقـص هالقلـم بيـن الأصآبـع ..بيّـن سنونـه
ورقّق نبرته .. وأطلق حجاجه ..وأستولـى باهـر!!
25 تلـون بالمسـك لونـه ..تغيـر جـور قآنـونـه
ووثّق فرحتـه فينـي .. كأنـه صآيـم(ن) فاطـر!!
26 تجآوب مع خفوقي حيل ..يسأل قلبـي وشلونـه ؟!
يداعب مبسمي ضحكه .. يجـود بفرحـه الغامـر!!
27 وتخضـب وجهـه بالحمره..ونـادى العـز يآعونـه
أنشهد رآيتك بيضآء .. مثيلك يآ "نـدى" نـآدر !!
28 أنـا أسف..أنـا أسف..حروفـي حيـل ملسونـه
جهلت إحسآسك الوراف.. وقلب(ن) معتلي عاطر !!
29 أيآ نزف القصيـد أسبـح وغـرق روح مزيونـه !!
تجي مثل الندى .. مزنه .. كريمه .. جودهـا ماطـر
30 تغطرف خافقي وبله ... على مهلـه ..علـى هونـه
وأسقآنـي حـروف القآفيـه فـي حّلـه الظافـر!!
31 طفيت بداخلـي جمـره ..دحرهـا الغيـم ومزونـه
دفنت إحسآس متهآلك .. بعثت لخآطـري طآيـر !!
32 معه منـي رسآلـه .. صآغهـآ فـي قآلـب لحونـه
مفآدهآ: جعل ربـي يهـب لـك سلـوه الخاطـر!!
33 صحى طفل الأمـل فـي نظرتـه أحـداق مفتونـه
نفض عنه غبآر القبر ... ووجآنـي معتلـي زاهـر!!
34 يدغدني بشذى روحه .. نبذت العيشـه مـن دونـه
أيآ طفل الأمل: كسبك /ينآفـس ثـروه التاجـر!!



وسلآمه عيونكم الطااهره

كلي رجآء أن تقروا نصي بقلوبكم قبل عيونكم